CAVAC is confident that by working with companies, associations and institutions, both public and private, it can help the people of Cambodia to unleash this potential.
ប្រទេសកម្ពុជាមានភាពរីកចម្រើនគួរឲ្យកត់សម្គាល់នៅក្នុងរយៈពេល ១៥ ទៅ ២០ ឆ្នាំចុងក្រោយនេះ។ រាជរដ្ឋាភិបាលកម្ពុជាដែលកំពុងសកម្មដោយមានជំនួយពីដៃគូអភិវឌ្ឍន៍បានជួយជំរុញឲ្យមានការរីកចម្រើនសេដ្ឋកិច្ចឆ្ពោះទៅរកការកាត់បន្ថយជាចំបងលើភាពក្រីក្រ។
ក្នុងរយៈពេលជាង ១ ទសវត្សរ៍នេះ រដ្ឋាភិបាលអូស្ត្រាលីតាមរយៈភ្នាក់ងារអូស្ត្រាលីដើម្បីអភិវឌ្ឍន៍អន្តរជាតិ (AusAID)បានសហការជាដៃគូជាមួយរាជរដ្ឋាភិបាលកម្ពុជាដើម្បីធ្វើឲ្យប្រសើរឡើងជីវភាពរបស់ប្រជាពលរដ្ឋកម្ពុជារស់នៅតាមទីជនបទ។ ភាពជាដៃគូនេះបានជួយគាំទ្រក្នុងផ្នែកស្រាវជ្រាវ ផ្សព្វផ្សាយ ធារាសាស្ត្រ និងការអភិវឌ្ឍទីផ្សារសម្ភារកសិកម្ម។ ដោយទទួលស្គាល់ការរីកចម្រើន និងសក្តានុពលគួរឲ្យកត់សម្គាល់នៃវិស័យអភិវឌ្ឍន៍ជនបទ AusAID បានផ្លាស់ប្តូរការជួយគាំទ្ររបស់ខ្លួនពីគម្រោងនានាមកជាកម្មវិធីបង្រួបបង្រួម សំដៅពង្រឹងគោលនយោបាយតែផ្នែកមួយ (ក្រោមកិច្ចដឹកនាំនៃរដ្ឋាភិបាល)ពីគ្រប់ភាគីពាក់ព័ន្ធ( រដ្ឋាភិបាល អង្គភាពផ្តល់ជនួយ និងភាគីផ្សេងៗ) វិញ។ការជួយគាំទ្រត្រូវបានបង្កើតឡើងដោយមានកិច្ចសហការជាមួយរាជរដ្ឋាភិបាលកម្ពុជាស្របទៅតាមផែនការអភិវឌ្ឍន៍យុទ្ធសាស្ត្រថ្នាក់ជាតិ។ អាទិភាពសំខាន់ៗរបស់រាជរដ្ឋាភិបាលកម្ពុជាគឺកាត់បន្ថយភាពក្រីក្រក្នុងអត្រា ១ ភាគរយក្នុង ១ ឆ្នាំ។ ការងារអាទិភាពនេះទទួលបានការគាំទ្រដោយក្រសួងកសិកម្ម រុក្ខាប្រមាញ់ និងនេសាទ (MAFF) និងក្រសួងធនធានទឹក និងឧតុនិយម(MOWRAM)តាមរយៈកិច្ចសហការរបស់ពួកគេក្រោមយុទ្ធសាស្ត្រកសិកម្ម និងទឹក។ ដោយមើលឃើញថាវិស័យកសិកម្មនៅប្រទេសកម្ពុជាកំពុងផ្លាស់ប្តូរយ៉ាងលឿន និងឧបសគ្គរាំងស្ទះកំណើនទៅថ្ងៃអនាគតក្នុងប្រព័ន្ធដែលពឹងផ្អែកលើដំណាំស្រូវនេះមានច្រើន AusAID និងរាជរដ្ឋាភិបាលកម្ពុជាបានបង្កើតកម្មវិធីមួយជំរុញប្រព័ន្ធនៃប្រទេសនេះដែលលើកឡើងពីចំណុចខ្សោយនៅក្នុងផ្នែកស្រាវជ្រាវ ផ្សព្វផ្សាយ ធារាសាស្ត្រ បរិយាកាសជំរុញអាជីវកម្ម និងកសិពាណិជ្ជកម្ម។
កម្មវិធីខ្សែសង្វាក់តម្លៃកសិកម្មកម្ពុជា (CAVAC)ជួយគាំទ្រការកាត់បន្ថយភាពក្រីក្រតាមរយៈការរីកចម្រើនរយៈពេលវែងក្នុងវិស័យកសិកម្ម។ ជាក់ស្តែង CAVAC យកចិត្តទុកដាក់ទៅលើ ការរីកចម្រើនប្រកបដោយ និរន្តរភាពនៅក្ក្នុងប្រព័ន្ធការបង្កើនផលពឹងផ្អែកលើដំណាំស្រូវ ជាពិសេសនៅក្នុងខេត្តកំពង់ធំ តាកែវ និងកំពត។ ការអនុវត្តកម្មវិធីបានចាប់ផ្តើមឡើងក្នុងខែមីនា ឆ្នាំ ២០១០ ហើយគ្រោងនឹងបញ្ចប់នៅខែមិថុនា ឆ្នាំ ២០១៤។ CAVAC ត្រូវបានអនុវត្តរួមគ្នាដោយនាយកកម្មវិធីដែលជ្រើសរើសដោយផ្ទាល់ដោយ AusAID ដោយមជ្ឈមណ្ឌលអូស្ត្រាលីស្រាវជ្រាវកសិកម្មអន្តរជាតិ (ACIAR) និងដោយក្រុមហ៊ុន Cardno Emerging Markets (Australia) Pty Ltd ជាក្រុមហ៊ុនទទួលកិច្ចសន្យាផ្នែកប្រតិបត្តិការណ៍។ CAVAC ក៏សហការយ៉ាងជិតស្និទ្ធជាមួយក្រសួងកសិកម្ម រុក្ខាប្រមាញ់ និងនេសាទ (MAFF) និងក្រសួងធនធានទឹក និងឧតុនិយម(MOWRAM)ផងដែរ។ គណៈកម្មាធិការដឹកនាំថ្នាក់ជាតិដែលធ្វើជាសហប្រធានដោយឯកឧត្តមរដ្ឋលេខាធិការមកពីក្រសួងដៃគូទាំង ២ គឺ MAFF និង MOWRAM បានត្រួតពិនិត្យមើលពីលើ និងផ្តល់នូវការណែនាំដល់កម្មវិធីនៅថ្នាក់ជាតិ។ គណៈកម្មាធិការសម្របសម្រួលថ្នាក់ខេត្តដែលមានលោកអភិបាលរងខេត្តជាប្រធាន ផ្តល់នូវការណែនាំតាមបណ្តាខេត្តជាគោលដៅទាំង ៣ ដែលរួមមានកំពត កំពង់ធំ និងតាកែវ។